كيف تنصب الحكومة على الشعب

بحسبة سريعة و بسيطة و سهلة

سعر برميل البترول = 32 دولار = 256 جنيه مصري

تكلفة تكرير البترول الي بنزين و سولار و خلافه في أعلي مستوياته = 6.5 دولار = 52 جنيه 

تكلفة البترول بعد تكريره = 256+52 = 308 جنيه مصري

برميل البترول = 42 جالون

برميل البترول بعد تكريره حسب المعايير العالمية يقسم الي

19.5 جالون بنزين + 9 جالون سولار + 4 جالون وقود طائرات + 11 جالون علي الاقل مشتقات بترولية مختلفة (طبعا من الملاحظ ان المجموع أكبر من 42 جالون ... اللي شغالين في مجال البترول بيسموا الظاهرة دي (مكسب التكرير) أو (Refinery Gain) و ده بييجي من ان طرق المعالجة و نوعية التفاعلات الكيميائية بتزود الحجم .. بس عموما ده مش موضوعنا)

(الجالون = 3.78541 لتر)

سعر لتر البنزين = 2.65 جنيه  (باعتبار ان الزيادة في سعر بنزين 95 بتروح مع سعر بنزين 80)

سعر البنزين المباع من برميل البترول = 19.5*3.78541*2.65 = 195.60 جنيه

سعر لتر السولار = 1.90 جنيه مصري

سعر السولار المباع من برميل البترول = 9*3.78541*1.9 = 64.75

سعر جالون وقود الطائرات في مصر = 1.73 دولار علي الأقل (لو أخذنا بالمتوسط سعره قد يصل الي 4 دولارات علي الأقل) = 13.85 جنيه  = 3.65 جنيه /لتر (و هاقول بعدين أنا ليه حسبته باللتر)

سعر وقود الطائرات المباع من برميل البترول = 13.85*4 = 55.40 جنيه

يعني سعر برميل البترول (بعد تكريره و تصفيته) المباع للسوق المصري (بدون حساب ال11 جالون في البرميل من المشتقات البترولية المختلفة) = 195.60+64.75+55.40 = 315.75 جنيه  .

يعني تكلفة المنتجات البترولية المستوردة واقفة علي النظام المصري الحالية = 308 جنيه /برميل

و السعر اللي النظام المصري بيبيعه للشعب = 315.75 جنيه مصري/برميل (علي أقل تقدير)

يعني النظام و الحكومة المصرية كسبانة من سعر المنتجات البترولية ما يعادل = 315.75 - 308 = 7.75 جنيه مصري/برميل = 5 قروش/لتر ..... و ده علي اعتبار ان النظام بيستورد كل احتياجاته من البترول من الخارج و معندوش بترول خام أصلا بينتجه في مصر !!!!!! .

و في الآخر .... يطلع لنا واحد عرص ... هو الرئيس التنفيذي لهيئة البترول ... يقول ان دعم المنتجات البترولية في موازنة 2015/16 هيوصل ل8 مليار دولار = 61 مليار جنيه  أيامها .

هيطلع واحد يرد علي الكلام ده بانه يقول ... (الدراسة دي غير دقيقة ... لانها افترضت ان احتياج الحكومة المصرية من البنزين و السولار و وقود الطائرات و المشتقات البترولية هتتطابق مع نفس النسب اللي بيتم بها تكرير برميل البترول) .

لكن الكلام ده مردود عليه بانه حتى لو حسبت تكلفة كل منتج علي حدة ... فالنظام المصري كسبان بما لا يدع مجالا للشك .

و تعالي نحسبها بطريقتك .

اقسم تكلفة تكرير برميل البترول الواحد = 6.5 دولار = 52 جنيه علي الوزن النسبي لكل منتج من المنتجات البترولية (بنزين + سولار + وقود طائرات + مشتقات أخري)

و مش بس كده ... ده أنا هاوزع النسب طبقا لأسعار البنزين و السولار و وقود الطائرات طبقا للأسعار اللي حطاها الحكومة المصرية لكل منتج (يعني هافترض ان الحكومة عادلة جدا في تحديد الاسعار) .

تقريبا نسبة تكلفة تكرير المشتقات البترولية الأخري الي السولار للبنزين لوقود الطائرات = 1 : 1.27 : 1.77 : 2.43 (سعر المشتقات البترولية الاخري أنا حسبته 1.5 جنيه/لتر في المتوسط  و ده أقل سعر ممكن  و أقل بكتير من الحقيقة)

يعني تكلفة التكرير للبرميل هتتوزع كالآتي : 52/ (19.5*1.77 للبنزين + 9*1.27 للسولار + 4*2.43 لوقود الطائرات + 1*11 للمشتقات الأخري)

تكلفة تكرير 19.5 جالون بنزين في البرميل = 26.92 جنيه  = 36 قرش/لتر

و تكلفة تكرير 9 جالونات سولار في البرميل = 8.92 جنيه  = 26 قرش/لتر

و تكلفة تكرير 4 جالونات وقود طائرات = 7.58 جنيه  = 50 قرش/لتر

حمل بقي التكلفة علي سعر اللتر في برميل البترول

يبقي سعر اللتر من برميل البترول = 32 دولار / (42 جالون * 3.78541 (نسبة الجالون : اللتر)) = 256 جنيه / 158.99 = 1.61 جنيه/لتر

.

يبقي سعر البنزين المستورد قبل طرحه في السوق = 1.61 + 0.36 = 1.97 جنيه/لتر

و سعر السولار المستورد قبل طرحه في السوق = 1.61 + 0.26 = 1.87 جنيه/لتر

و سعر وقود الطائرات المستورد قبل طرحه في السوق (طبعا ده ما بيطرحش في السوق و لا نيلة ... دي الحكومة بتبيعه لشركات الطيران (و معظمه بتبيعه لنفسها - مصر للطيران -) اللي بتحصل اللي صرفته من المسافرين ... يعني المصريين كثيري الاسفار لابسينه مغري (بشد الراء)) = 1.61 + 0.5 = 2.11 جنيه/لتر

.

يعني الحكومة كسبانة في لتر البنزين = 2.65 - 1.97 = 68 قرش/لتر

و كسبانة كمان في لتر السولار = 1.90 - 1.85 = 3 قروش/لتر

و كسبانة في وقود الطائرات = 3.65 - 2.11 = 1.54 جنيه/لتر

.

و أنا هنا مش محتاج عشان أوضح حجم السرقة و النهب في قطاع الطاقة غير اني هاذكر ثلاثة أمثلة :

----------------------------------------------------------

مصر بتستهلك 120 الف برميل بنزين محركات يوميا (احصاء 2010 حسب الاستعلامات الفيدرالية الامريكية للطاقة - و الله أعلم بتستهلك قد ايه دلوقتي -) يعني بتستهلك ما يعادل 6.96 مليار لتر سنويا ... 6.96*0.68 = يعني الحكومة كسبانة 4.73 مليار جنيه

و بتستهلك 250 الف برميل سولار يوميا (برضوا باحصاء 2010) يعني بتستهلك سنويا 14.51 مليار لتر سنويا ... 14.51*0.03 = يعني النظام كسبان 435 مليون جنيه

و بتستهلك 30 الف برميل وقود طائرات يوميا (برضوا باحصاء 2010) يعني بتستهلك سنويا 1.75 مليار لتر سنويا ... (شوف الهبرة الكبري) 1.75 * 1.54 = 2.7 مليار

جنيه سنويا

.

مع العلم ان ارباح النظام من ال3 منتجات دول بس أضعاف أضعاف الارقام المذكورة ... لأن الأرقام دي محسوبة علي فرض ان النظام بيستورد جميع احتياجاته من المنتجات البترولية المذكورة ... في حين ان الحقيقة انه بيستورد 39% بس من احتياجه للسولار و 21% بس من احتياجه من البنزين (حسب تصريحي الهيئة العامة للبترول و اتحاد الصناعات)

.

و طبعا للي مش فاهم يعني ايه النظام كسبان عشرات ان لم يكن مئات المليارات من قطاع البترول (اللي احنا حسبنا منهم فقط 8 مليار جنيه في 3 منتجات بس) و يدعم المنتجات البترولية ب61 مليار جنيه .

معناه ببساطة ان الدولة كسبت منك مئات المليارات و محطتهاش في موازنتها (اتلهفت معظمها في جيوب (العرص) و رجالته و حلفاؤه ، و اترمي بواقي اللحم و العظم لبقية كلابهم في الجيش و الشرطة في الاغلب) ، و كمان خدت منك 61 مليار جنيه عشان الدولة (بفلوسك) تكافئ بيها المعرصين الكبار في قطاع البترول اللي سهلولها السرقة (سرقتك) .

ملاحظة :

نسيت أقول ان وزارة البترول بتقول (رسميا) انها بتصدر وقود الطائرات و ما بتستوردوش ... يعني بيدفعونا (واحنا المصدرين) من 2 الي 3 أضعاف اللي بتدفعه الشعوب اللي معندهاش بترول أصلا (بحسب القوي الشرائية طبعا) .

الارقام فوق المصادر تحت ... لو حد لقي أي غلط في الحسابات ياريت ينبه :

http://bit.ly/1VVkiXg

http://1.usa.gov/1SGNEsE

http://bit.ly/1ObLFcr

http://bit.ly/1Pl5ZWG

http://bit.ly/1PWICY8

http://bit.ly/1SGNC41

http://bit.ly/1PWIBn2

http://bit.ly/1ObLyOg

http://bit.ly/1ZUrYLF