ليه الناس نسيت

 ليه الناس نسيت انها كانت بتقف فى طابورالعيش وبتموت فية قبل الثورة

ليه الناس نسيت ان ازمة الانابيب كانت بتحصل كل سنة قبل الثورة

ليه الناس نسيت ان الطرق كانت مكسرة والمواصلات مش موجودة قبل الثورة

ليه الناس نسيت ان ازمة الجاز والبنزين كانت موجودة على طول قبل الثورة

ليه السواقين نسيوا انهم كانوا بيدفعوا نصف ايرادهم لامناء الشرطة قبل الثورة

ليه الناس نسيوا ان البلطجية والحرامية كانوا موجودين فى كل حتة قبل الثورة

ليه الناس نسيت انها لما كانت تروح اى مصلحة حكومية بتدفع رشوة قبل الثورة

ليه الناس نسيت ان ولادها كان المدرس بيضربهم علشان مابيخدوش عندة درس قبل الثورة

ليه الناس نسيت انهم كانوا بيتهانوا وبيتعذبوا فى اقسام الشرطة قبل الثورة

ليه الناس نسيت انهم لما كانوا بيروحوا المستشفى مش بيلاقوا دكاترة قبل الثورة

ليه الناس نسيت ان الكهرباء كانت بتقطع كتير عن بيوتهم قبل الثورة

ليه الناس نسيت ان مباحث الكهرباء كانت بتعملهم محاضر ظلم كتير قبل الثورة

ليه الناس نسيت ان المية كانت بتقطع ومش بتشتغل غير بالماتور قبل الثورة

ليه الناس نسيت ان الاسعار كانت غاليه جدا جدا جدا قبل الثورة

ليه الناس نسيت ان الامراض كانت منتشرة جدا عند الناس قبل الثورة

ليه الناس نسيت ان البطالة كانت منتشرة والشباب عاطلين قبل الثورة

ليه الناس نسيت ان الشباب كانوا بيهاجروا وبيغرقوا فى عرض البحر قبل الثورة

ليه الناس نسيت ان القطارات كانت بتدخل فى بعض وبتتحرق .. قبل الثورة

ليه الناس نسيت عبارة الموت وانفلونزا الطيور والخنازير اللى موجودين قبل الثورة

ليه الناس نسيت ان فصول المدارس كانت بتعدى 80 طالب قبل الثورة

ليه الناس نسيت ان كل حاجة كانت بتمشى بالواسطة قبل الثورة

ليه الناس نسيت ان بمجرد انك تكون متدين امن الدولة يعتقلك قبل الثورة

ليه الناس نسيت ان طنطاوي كان مع مبارك وساكت على فساده وظلمه قبل الثورة

كل ده قبل الثورة ..... ودلوقتي الناس تقولك هوه ده اللى خدناه من الثورة ؟؟؟؟؟

وعجبى ؟؟؟؟؟؟؟