* اللي باعك في الميدان .. بكره يبيعك جوه البرلمان.
* أراك لاحقاً يا شعب مصر العظيم، بعد 5 سنين نلتقي مرة أخرى، على تليفونات بقى.
* يعني إيه الحرية و العدالة؟ الحرية أن تختار حتاخد فين والعدالة إن كل الناس حتاخد.
* الإخواني الحق هو الذي يثور ليركب الميدان ثم يهدأ ليأخذ البرلمان.
* هذا وقد انقسم الشعب المصري إلى جماعة “التكفير والهجرة” و”جماعة التفكير في الهجرة”.
* الانتخابات النزيهة، كالراقصة الشريفة.
* مبروك على الإخوان البرلمان مبروك على الشهداء الجنة مبروك على الجيش الحكم مبروك على مبارك البراءة و مبروك على الشعب الخازوووووووووووق.
أفلام المرحلة القادمة :
* حسن.. و ربنا يهدي مرقص.
* إيناس الدغيدى بعد ارتدائها النقاب تبدأ تصوير فيلم “مذكرات مؤمنة”.1
* عمرو دياب في حفلته القادمة: من كام سنة وأنا إخوان إخوان.. أنا أكتر واحد بيصلي.. كان عندك دقن.. والأخت عاملة إيه دلوقت؟.. يا ريت لبسك يزيد مترين عشان لبسك كدا قصير.. عايز تسيب دقنك كدة سيبها وتعالى على نفسك وحددها.
ماذا بعد فوز الإسلاميين بالبرلمان؟
* هيعملو روتانا إخوان .
* النشيد الوطني هيبقى ورد الرابطة.
* تامر حسنى هايبطل غنا لأن صوت المرأة عورة.
* كل ما تيجي تعمل فولو لواحدة هتطلعلك رسالة تقولك: أترضاه لأختك؟ .
* هيبقى التويتر هيعملوا واحد رجالي وواحد حريمي.
* محدش هيشرب سجاير، كله هايدخن بخور.
* هيغطوا كل أسلاك الكهربا العريانة.
* هانبقى زي أمريكا بالظبط.. وهايبقى عندنا مجلس "شيوخ".
* أول جلسة في المجلس هتكون جلسة ذِكر.
* شباب 6 إبريل تغير اسمها إلى فتية السادس من ربيع الآخر.
* هيغيروا التفاحة اللي على آبل ويخلوها تمرة.
* بدل القطط والكلاب هنربى إبل.
* الشارع حارتين واحدة للسيدات وواحدة للرجالة.
الأخبار في المستقبل:
* افتتحت اليوم ثلاثة من زوجات السيد الرئيس حفظهن الله فعاليات مهرجان الإنشاد للجميع .
* انخفاض حاد في أسهم شركة جيليت بالبورصة المصرية وأنباء عن نية الشركة بسحب استثماراتها وماكينات حلاقتها في مصر.
* إقبال شديد من المواطنين في اليوم الثالث من الانتخابات على طوابير الهجرة أمام سفارة كندا.
* اتحاد الكرة يعلن أنه تخلى عن العقد مع أديداس وسيكون الراعي الرسمي محلات التوحيد والنور.
No comments:
Post a Comment